Викторија Бекам организираше коктел забава во својот бутик во Лондон за да прослави за соработката со Sotheby’s.
На настанот на кој беа изложени уметнички дела на Лукас Кранах Постариот, 44-годишната дизајнерка изгледаше елегантно во црн костум од сопствената колекција и складни салонки. Таа позираше покрај своите родители и Дејвид Бекам.
На Instagram, Викторија сподели фотографија со мајка си, која е облечена во ист црн костум како неа. „На која ѝ стои подобро? Кога ќе се појавиш во иста облека како мајка ти“ – се пошегува таа на социјалната мрежа.
Пред неколку дена, Викторија ја најави соработката со фотографии на Instagram. На нив, таа е облечена во зелен фустан од сопствената колекција за сезоната есен/зима 2018.
