Најпосле имаме можност да фрлиме поглед во новиот филм „Денот на жената“ во режија на Гоце Цветановски.
Објавен е првиот официјален тизер за возбудливиот трилер кој става фокус на трговијата со луѓе, присилната проституција и насилството врз жените.
„Мислам дека сме на добар пат да створиме филм кој истовремено ќе биде забавен за пошироката публика, а кој ќе носи во себе длабока човечка порака“ – изјави Цветановски додека траеше снимањето.
Видео:
Слаѓана Вујошевиќ ја има главната женска улога. Талентираната актерка ќе ја гледаме како истражувачка новинарка која се обидува да ја разбие мрежата и да ја разоткрие вистината.
Главните машки улоги им припаднаа на Муса Исуфи и Исмаил Касуми, многукратно наградувани актери од Кумановскиот театар.
Дел од актерскиот тим се и Катерина Коцевска, Елени Декидис, Егзона Салиху, Дамјан Цветановски, Осман Ахмети, Мендим Муртези и Авни Далипи.
Директор на фотографија е Фејми Даут, кој оваа година беше номиниран за Оскар со филмот „Медена Земја“.
Официјалниот постер за „Денот на жената“
Филмот се снима со поддршка на Агенцијата за филм. Медиумски партнери на проектот се femina.mk, fakulteti.mk, skd.mk и Слободен печат.
Фото: Марко Угарковиќ и Маја Аргакијева