Луисана Лопилато и Мајкл Бубле со интересно видео објавија дека ќе станат родители. 25-годишната ѕвезда од серијата „Млади бунтовници“ преку YouTube им ја откри радосната вест на своите фанови.
Луисана и Мајкл
„Мајк, Лу и .... мини Бубле!“ – вели пораката од видеото, пред да се појави снимка направена на преглед со ултразвук.
Мајкл и Луисана се запознаа во ноември 2008 година, кога познатиот пејач признал дека се заљубил на прв поглед. Една година подоцна тој ја побарал нејзината рака. Во март 2011 година тие стапија во брак.
Оние кои ја следат музичката кариера на Бубле знаат дека Луисана учествуваше во спотот за неговата песна „Haven't Met You Yet“, која се слуша во позадина на видеото со кое ја објавија веста за бременоста.