Меган Фокс знае како да ја освои камерата. Таа ја сними првата реклама за брендот Giorgio Armani Beauty и со тоа уште еднаш покажа зошто секогаш е вбројувана меѓу најубавите жени на светот.
Во видеото неодоливата Фокс заводливо гледа во камерата и испробува различни шминки, додека во позадина тече музика со ритам којшто хипнотизира.
Кога Армани бил запрашан зошто ја избрал токму 24-годишната Фокс, тој одговорил дека „таа е олицетворение на духот на денешната жена: слободна, самоуверена и заводлива. Цртите на нејзината убавина откриваат женственост, сензуалност и сила“.