Блејк Лајвли е голема обожавателка на Мајкл Корс, па не ги пропушта неговите ревии. Харизматичната актерка присуствуваше на модното шоу на американскиот дизајнер кое се одржа во рамките на Њујоршката недела на модата.
32-годишната сопруга на Рајан Рејнолдс изгледаше модерно во црно-бела комбинација.
На настанот, Блејк изјави дека е опседната со своите три ќеркички и дека премногу треба да ѝ се допадне некоја филмска улога за да ја прифати.
„Претпоставувам дека треба навистина, навистина, навистина да го сакам тоа, бидејќи сум опседната со моите деца. Па, сметам дека филмот треба многу да вреди за да ме одвои од нив“ – изјави таа.
Блејк и Рајан се родители на три девојчиња. Нивната најмала ќерка се роди кон средината од минатата година.
