Ана де Армас има нова љубов: Славната актерка се бакнува со посинокот на кубанскиот претседател

Ана де Армас е во нова љубовна врска. Славната актерка беше фотографирана во Мадрид со Мануел Анидо Куеста, кој му е посинок на претседателот на Куба.

Парот си разменуваше бакнежи и се шеташе со нејзиното кученце Салса.

36-годишната филмска ѕвезда носи бело зимско палто, црни чизмички и чанта и шал од Луј Витон. Таа е родена во Хавана, Куба, а се преселила во Шпанија на 18-годишна возраст.

Ана претходно беше во врска со Бен Афлек, со кого се запозна на снимањето на „Deep Water“ во 2020 година. Тие се разделија во 2021 година.

Мануел е син на Лиз Куеста, која му е втора сопруга на кубанскиот претседател Мигел Дијаз-Канел.