Триглав Осигурување: Известување за клиентите во врска со КОВИД-19
Почетна » Новости » Промо » Триглав Осигурување: Известување за клиентите во врска со КОВИД-19

Триглав Осигурување: Известување за клиентите во врска со КОВИД-19

Почитувани,

Ве информираме дека, согласно препораките и Одлуките на Владата на Република Северна Македонија, поврзани со појавата на Ковид-19 (корона вирус), Триглав Осигурување АД, Скопје, Триглав Осигурување Живот АД, Скопје и Триглав пензиско друштво АД Скопје континуирано воведуваат мерки за превенција и заштита на вработените и на клиентите.

Триглав Осигурување

Согласно насоките од надлежните органи, препорачано е да се избегнува директен и близок контакт (препорачана оддалеченост од друго лице од најмалку еден метар), ракување, гушкање и долго седење во затворени простории. Со цел минимизирање и превенција на сите потенцијални ризици и одржување на максимална хигиена на рацете, препорачуваме да ги користите средствата за дезинфекција, поставени во нашите деловни простории.

Имајќи ги во предвид препораките на надлежните органи, компаниите на Триглав ќе работат со намален капацитет во периодот што следи, заради заштита на вработените и клиентите и како превенција од ширење на вирусот. Советуваме посети на нашите локации единствено доколку бараната услуга е навистина неодложна. За сите Ваши потреби апелираме да ги контактирате нашите вработени на телефонските броеви и електронските адреси објавени на веб-страниците www.triglav.mk, www.triglavzivot.mk, www.triglavpenzisko.mk, коишто се исто така наведени во дописот подолу. Сите услуги и производи на Триглав се целосно достапни, а вработените навремено ќе ги контактираат клиентите во поглед на обновување на веќе склучените полиси. Сервисите за on-line обновување на полиси за осигурување од автомобилска одговорност и полисите за здравствено-патничко осигурување се целосно овозможени преку интернет страницата на Триглав Осигурување.

Триглав Осигурување

Триглав Осигурување воведува нов начин на пријава на штети, кој што ќе им обезбеди на нашите клиенти најефикасна поддршка во овие предизвикувачки околности.

Доколку имате потреба од пријава на штета во периодот што следи, Ве замолуваме да ги следите долунаведените насоки:

  1. Доставете ја пријавата по електронски пат на нашата адреса steti@triglav.mk,вклучувајќи ја целокупната документација со која што располагате за штетата.Обрасците за пријава на штети се достапни нa следниот линк: https://www.triglav.mk/mk/prijava-steta.
  2. За штетите на возила по автомобилска одговорност и каско осигурување, за кои што е потребен неодложен увид, можете да се обратите во експозитурите на Триглав Осигурување во периодот од 9 до 13 часот, секој работен ден. За сите останати штети, пријавата ќе се одвива по електронски пат на нашата адреса steti@triglav.mk.

Ве молиме, во случај на лична пријава на штета, да се погрижите да ги приложите сите основни документи неопходни за пријава на штета, а секоја дополнителна документација да ни ја доставите по електронски пат, на адресата steti@triglav.mk, при што треба да се повикате на бројот на штетата.

Триглав и натаму ќе одржува највисоко ниво на хигиена и на дезинфекција во своите простории, но сепак апелираме клиентите да бидат внимателни и да негуваат највисоко ниво на лична хигиена, како и да се придржуваат до препораките на Владата на Република Северна Македонија.

Во моментот нема измени во работното време на компаниите, но доколку има промени, или времено затворање на некое од продажните места, навремено ќе бидете известени.

Ве молиме да нѐ контактирате за сите прашања и потреби и Ви благодариме на разбирањето и Вашата внимателност.

Ви благодариме и воедно се надеваме на разбирање и почитување на наведените вонредни мерки.

Комерцијален текст

Анкета

Анкета
Каде планирате да одите на одмор летово?
  • 40%
  • 14%
  • 25%
  • 21%
Се испраќа...

(Вкупно: 9698 гласа)

Цитат

Некои од најдобрите спомени се создадени во апостолки.

Кели Елмор

Виц

Крем со колкав фактор?

- Со 20.

Доволно ќе ви е?

- Ако згрешам, нека изгорам.