Групата BTS го сруши рекордот за Најгледано видео на YouTube во 24 часа.
Спотот за првата англиска песна на јужнокорејскиот машки бенд достигна неверојатни 101,1 милион прегледувања во првиот ден од неговото објавување. Претставник на YouTube официјално ја потврди информацијата за Forbes.
„Можеме да потврдиме дека ‘BTS Dynamite Official MV’ постави нов рекорд на сите времиња во 24 часа, надминувајќи 100 милиони прегледи со 101,1 милион во првите 24 часа“ – изјавија од YouTube.
Претходно, рекордот го држеше јужнокорејскиот женски бенд Blackpink со песната „How You Like That“.
Слушнете ја првата песна на англиски јазик на BTS и погледнете го нивниот нов спот:
