Како и секогаш, Наоми Кембел ги насочи сите погледи кон себе кога се појави на розовиот тепих пред музејот на уметноста „Метрополитен“ во Њујорк.
48-годишниот супермодел ја истакна атрактивната фигура во розова креација со наметка со пердуви од високата мода на Валентино. Во својот стајлинг таа додаде розови сандали, исто така од Валентино и накит од Bulgari Heritage.
Додека Наоми позираше пред фоторепортерите, нејзин асистент со помош на пластика правеше лажен ветер кој ги разлетуваше пердувите на нејзината наметка.
Славниот модел позираше и со креативниот директор на Валентино, Пјер Паоло Пичоли.
Институтот за костими оваа година одлучи темата на балот да биде „Camp: Notes on Fashion“.
