Викторија Бекам чекори низ петтата деценија од својот живот. Славната сопруга на Дејвид Бекам и мајка на четири деца вчера го прослави својот 42. роденден.
Познатата Англичанка во 90-тите години од минатиот век беше дел мегапопуларниот женски бенд „Spice Girls“, чии хитови го обиколија светот.
По распаѓањето на групата, Викторија продолжи со својата соло кариера, за деценија подоцна да покаже дека музичкиот не е единствениот талент кој го поседува. Таа заплива во дизајнерските води и во 2008 година го основа својот бренд, кој до ден-денес успешно ги привлекува модерните дами.
По повод роденденот на Викторија, потсетете се на 42 од највпечатливите стилски моменти на ѕвездата со препознатливата поза на црвениот тепих.
