Меган Маркл и принцот Хари беа специјални гости на Endeavour Fund Awards, церемонија на која им се доделуваат награди на повредени или болни воени лица кои во изминатиов период се вклучиле во спортски или авантуристички активности.
Кралската двојка, која го очекува првото дете, зачекори на црвениот тепих на свеченоста во Лондон.
За свечениот стајлинг, војвотката од Сасекс се потпре на брендовите кои ѝ станаа омилени по стапувањето на кралска должност. Така, црно-белата комбинација и чантичката ги потпишува Живанши, а женствените обувки се дело на брендот Aquazzura.
