Ели Сааб е нераскинлив дел од Париската недела на модата.
Либанскиот дизајнер ја презентираше новата колекција „A Floral Renaissance“ (Цветна Ренесанса) со ревија во Градот на светлината и љубовта.
„Како нескротлив див цвет, жената на Ели Сааб зрачи, жестока е и слободна. Нејзиниот бестрашен дух и изразената женственост се оживеани во новата колекција есен/зима 2023/2024. Украсена со смели цветови на животот и блесокот, колекцијата е инспирирана од раскошните букети на ренесансата“ – пишува Сааб.
„За мене, женската убавина е најинспиративното нешто за секоја колекција, но и покрај тоа потребна е инспирација во боја и форма“ – дополнува тој.
