Париз пулсира во ритамот на нова модна треска. И H&M им се придружи на десетиците влијателни брендови кои одржуваат ревии во рамките на Париската модна недела. Над 200 гости го следеа секој чекор на манекенките.
Главната колекција H&M Studio на популарната компанија за сезоната есен/зима 2016 е инспирирана од силните жени и индивидуалноста.
Манекенките дефилираа на специјална писта која наликуваше на замрзнато езеро и го рефлектираше влијанието на природата при дизајнирањето на колекцијата.
„Оваа колекција е за силата и убавината на жената и за тоа како ја изразуваме таа моќ преку нашиот стил“ – изјавила Ен-Софи Јохансон од шведскиот бренд.
Ема Робертс, Сиара, Кејт Мара и Оливија Палермо беа меѓу гостинките кои ја набљудуваа ревијата од првиот ред.
