Ревијата на високата мода на Диор беше ставена под лупата на модните критичари, па новиот креативен директор Раф Симонс се обиде да ги импресионира.
Освен што секоја креација беше измислена и изработена до совршенство, не беа занемарени и останатите елементи на големото шоу на француската модна куќа.
На страницата на Диор на Facebook беа објавени фотографии од шминката на манекенките и истите предизвикаа бран позитивни реакции. Колоритната шминка во футуристички стил ги красеше очите на манекенките.
Усните на моделите на Диор беа како вистинско летно зајдисонце. Неколку топли бои се преливаа една во друга, хармонично создавајќи неодоливо привлечен изглед.
Ѕидовите на просторијата во која се одржа големата ревија беа прикриени со милион цветови во различни бои. Раф на еден начин со тоа искажа почит и восхитување кон „творештвото“ на Кристијан Диор и неговата опседнатост со убавината на цветовите.
