Кога ќе се спомене Кристијан Лобутин, во нашите мисли започнуваат да се редат прекрасни обувки со црвен ѓон. Но, чантите од овој дизајнер, иако не се толку многу познати, не заостануваат ниту по убавина, ниту по квалитет зад феноменалните обувки.
Колекцијата чанти на Лобутин за сезоната пролет/лето во исто време е и луксузна и гламурозна и софистицирана.
Изработени од префинети материјали и зачинети со интересни детали, чантите се во различен стил, па можете да се заљубите во класични модели, романтични плик чанти или чанти со рок и панк влијание.
Асиметричните дизајни им даваат модерен изглед на класичната форма на плик чантите, а панделките и цветовите уште повеќе ја зголемуваат нивната оригиналност.
Меѓу овие мали уметнички дела сигурно ќе пронајдете барем два-три модели кои би сакале да ги приберете во вашиот плакар.
