Турскиот дизајнер Тарик Едиз твори според специфична формула која обединува сексапил, раскош, елеганција и гламур.
Вечерните фустани кои излегуваат од неговото ателје и се нудат во десетици земји низ светот, се магнет за самоуверените жени кои не се задоволуваат со скромни и опуштени силуети.
Акцентот во новата колекција 2015 е ставен на задниот дел на фустаните. Блескави декорации од мониста и кристали го красат вратот и грбот на манекенките и влегуваат во улогата на луксузен накит. Честопати декорациите се инспирирани од богатата турска култура, но се надградени под влијание на космополитскиот модернизам на Истанбул.
