„Кога њујоршката висока мода ќе се сретне со душата на Шпанија“ е најдобриот опис на соработката на брендовите Marchesa и Pronovias.
Романтичните венчаници од феноменалната колекција се инспирирани од Севиља, градот познат по страст, заводливост и фламенко душа.
Различните модели на фустани носат шпански женски имиња како Марисол, Фернанда, Канелита, Есперанца и сл., а се темелат врз елегантни силуети и префинети детали кои го шармираат окото.
