„Ултра виолетова“ е бојата на 2018 година.
Пурпурната нијанса со сина основа рефлектира оригиналност, инвентивност и визионерско размислување.
„Живееме во време кое бара инвентивност и имагинација. Од истражување на нови технологии и неверојатната галаксија, до артистичко изразување и спиритуална рефлексија, интуитивната Ултра виолетова го осветлува патот до она што допрва доаѓа“ - вели Леатрис Ајсмен, извршната директорка на Pantone.
Алудирајќи на легенди како Принц, Дејвид Боуви и Џими Хендрикс, од компанијата велат дека пурпурната боја долги години симболизира неконвенционалност и артистичка брилијантност.
Бојата на годината, која ја одредува Pantone, има големо влијание не само во модната и козметичката, туку и во сите други гранки на индустријата. Pantone е една од најголемите компании за производство на бои, а позната е по својот систем за стандардизација на боите.
Колоритна историја
