Блогерката Кијара Ферањи шармантна убавица покрај сопругот и двете деца на свадбата на сестра си

Кијара Ферањи викендов присуствуваше на свадбата на нејзината сестра Франческа во Италија.

36-годишната модна блогерка шармираше во сина креација од Atelier Emé, брендот кој ги дизајнираше и фустаните на нејзините сестри и мајка ѝ. Таа објави фотографии на кои позира со сопругот Федез и децата.

Франческа Ферањи и Рикардо Николети викендов се заколнаа на вечна љубов во присуство на нивното синче Едоардо.

За вечерната забава, убавата невеста се пресоблече во поудобна венчаница со висок шлиц од истиот бренд.

Сестрите Ферањи се многу популарни на социјалните мрежи. На Instagram, Кијара ја следат речиси 30 милиони лица, Валентина има над 4,5 милиони обожаватели, додека бројот на следбеници на Франческа надминува 1,5 милион лица.