30% од случаите на рак на дојка предизвикани од дебелина

Ракот на дојка е болест која најчесто се појавува кај жените, но иако ретко, може да се појави и кај мажите. Во нашата држава секоја година се дијагностицираат повеќе од 750 случаи на рак на дојка, па затоа е многу важно да бидеме што повеќе информирани за да се бориме против оваа кобна болест.

Експертите советуваат дека со мали промени и практикување на здрав живот случаите на рак на дојка може да се намалат за една третина. Меѓународната агенција за истражувања на ракот проценила дека 25-30% од случаите може да се избегнат ако жените јадат помалку, а вежбаат повеќе. Но, не се знае дали жените кои веќе имаат прекумерна тежина со слабеење можат да го намалат ризикот за појава на рак.

Современиот начин на живот, кој вклучува редовна консумација на алкохол, минималната физичка активност и дебелината се причини за зголемениот број на заболени. Истражувањата покажуваат дека прекумерната телесна тежина го зголемува ризикот за појава на рак на дојка со 50%, а консумацијата на една чаша вино дневно ги зголемува шансите за појава на рак со една петтина.

Исто така, постојат убедливи докази дека доењето го намалува ризикот од појава на рак на дојка кај мајката.

Коментари (1)

fan

18:37, 26 март 2010г. #

So ovoj fakt deka debelinata e pricina za30% pojava na rak na dojka ne mozam da se slozam .Toj pat go pominuvam vece 7 god. I dvete deca gi doev, i gninekoloski zdrava, nitu familijarna istorija za ova zabolubanje.Moze da kazam deka nadvoresnite f-ri se najgolema pricina za rak na dojka: zagadena pocva , koristenje na insekticidi, zagaden vozduh, a kaj nas vo Makedonija smetam deka i bombardiranjeto na Srbija so osiromasen uranium e najgolema pricina za vaka rapidna pojava na rak na dojka kaj zeni i treba da se zamislat zagaduvacite na vozduhot, zemjata, vodata sto pravat?

Напишете коментар

Треба да се најавите за да можете да испраќате коментари.
Ако сè уште не сте регистрирани, кликнете овде.