Денес жените се изложени на повеќе стрес од било кога. Обидувајќи се да бидат успешни на професионален план и да бидат добри сопруги и мајки, жените почесто страдаат од стрес отколку мажите.
Истражување на компанијата Philips покажало дека мажите почесто им создаваат стрес на жените и им го покачуваат крвниот притисок, отколку обратното. Околу 18% од жените признале дека нивниот партнер им создава многу стрес, а само 12% од мажите го изјавиле истото за својата партнерка.
Мажите почесто им создаваат стрес на жените и им го покачуваат крвниот притисок, отколку обратното.
Но, за изненадување е податокот дека 58% од 3000 учесници изјавиле дека нивниот партнер е меѓу луѓето кои им создаваат стрес, а само 43% го кажале истото за нивните менаџери.
Кери Купер, којшто го предводел истражувањето, изјавил дека иако жените се изложени на поголем стрес, тие подобро се справуваат со него, главно затоа што им е полесно да разговараат за своите чувства со другите луѓе.
Друг интересен заклучок од ова истражување е тоа што жените повеќе се загрижени за својата тежина, отколку за тоа колку заработуваат. Скоро половината жени-учеснички изјавиле дека телесната тежина е важна за нивното здравје. Само 27% од жените изјавиле дека платата влијае на нивното здравјето.