Науката потврдува дека враќањето кај бившиот често завршува со солзи
Почетна » Новости » Истражувања » Науката потврдува дека враќањето кај бившиот често завршува со солзи

Науката потврдува дека враќањето кај бившиот често завршува со солзи

Обновувањето на врската со бившиот не е секогаш најдобра идеја. Можеби сте го научиле тоа од сопствено искуство или сте го согледале од грешките на вашите пријателки.

Сега и истражувачите потврдуваат дека враќањето кај бившиот често завршува со лоша врска или лош брак. До оваа констатација дошла и професорката Амбер Венам од Канзас Стејт Универзитетот, која ги проучува таканаречените циклични врски, термин кој се користи за да се опише пар кој раскинал, но потоа повторно започнал врска.

Враќање кај бившиот

„Повеќето луѓе имаат добиено корпа и знаат како е да копнееш за некој бивши и да сонуваш за втора шанса. Но, во реалниот живот, колку и да боли, можеби има врски кои подобро е да останат во спомените“ – вели Амбер.

За своето истражување Амбер проучувала податоци за врските кои ѝ биле дадени од циклични и нециклични парови и открила дека паровите во циклични врски имаат многу повеќе проблеми во врската откако ќе се смират.

Резултатите од нејзиното истражување покажале дека паровите во циклични врски се поимпулсивни при донесувањето на важни одлучи во врската, како живеење заедно, купување милениче или раѓање на дете, во споредба со паровите во нециклични врски. Како резултат на тоа, паровите во циклични врски се помалку задоволни од својот партнер, имаат полоша комуникација, донесуваат повеќе одлуки кои влијаат лошо на нивната врска, имаат пониска самодоверба и се понесигурни дали ќе останат заедно.

Амбер предупредува дека паровите кои често се караат и разделуваат додека се во врска, продолжуваат со таквото однесување и кога се во брак и често се плашат дека во секој момент нивната врска може да заврши.

Сепак, во реалноста постојат и парови кои успешно ја обновиле врската. Амбер вели дека и тоа е можно, но само ако е целосно разрешен проблемот кој довел до разделбата.

За да заборавите некој бивши, Амбер вели дека најдобро е целосно да го исклучите од својот живот. „Истражувачите открија дека во деновите кога го гледаме бившиот, имаме повеќе љубовни чувства кон него, во споредба со деновите кога не сме го виделе“ – изјавила таа за Today. Или со други зборови, далеку од очите – далеку од срцето.

Анкета

Анкета
Каков е вашиот став за вакцина против КОВИД-19?
  • 13%
  • 22%
  • 65%
Се испраќа...

(Вкупно: 3799 гласа)

Цитат

Некои од најдобрите спомени се создадени во апостолки.

Кели Елмор

Виц

Крем со колкав фактор?

- Со 20.

Доволно ќе ви е?

- Ако згрешам, нека изгорам.