Многу родители сакаат да имаат повеќе од едно дете. Колку повеќе, толку повесело. И во право се да го сакаат тоа, затоа што така им помагаат на своите деца да станат подобри личности.
Истражувањата покажале дека и браќата и сестрите имаат големо влијание во изградувањето на личноста и односот кон другите луѓе, но сестрите влијаат многу повеќе.
Кајли и Дани Миног
Растењето со барем една сестра го намалува чувството на осаменост, вина и страв, а исто така ја зголемува и самодовербата – покажало истражување во кое зеле учество 400 семејства со најмалку две деца.
Без разлика дали сестрата е постара или помлада, таа ја поттикнува желбата за великодушност и го намалува ризикот од депресија.
Истражувачите откриле дека иако и браќата имаат слично влијание, сестрите влијаат многу повеќе на животот во семејството. Девојките ги охрабруваат семејствата да бидат поотворени, проблемите да се споделуваат и да се решаваат заедно.