10-годишно девојче на Божиќ нахрани 50 бездомници во чест на покојниот татко
Почетна » Новости » Занимливости » 10-годишно девојче на Божиќ нахрани 50 бездомници во чест на покојниот татко

10-годишно девојче на Божиќ нахрани 50 бездомници во чест на покојниот татко

Грејси Мекнолти одбила да го прослави првиот Божиќ по смртта на својот татко со вообичаените забавни активности. 10-годишното девојче имало на ум нешто посебно – да му ја исполни желбата на починатиот татко.

Со помош на своето семејство, добродушната Грејси од Дјусбери, Западен Јоркшир, нахранила 50 бездомници на Божиќ.

Грејси10-годишната Грејси

Нејзиниот татко Крег редовно волонтирал во хуманитарни организации и служел појадок за бездомниците на денот по Божиќ. Но, оваа година планирал токму на Божиќ да го отвори семејното кафуле и да им понуди топол оброк на бездомниците.

За жал, 38-годишниот работник на покрив паднал на работното место и починал како резултат на здобиените повреди на главата.

Шерон Мекнолти, мајката на Грејси, изјавила дека иницијативата за топлиот божиќен оброк била на Грејси. „Откако тој почина, Грејси ми рече: Не сакам Божиќ да го минам дома оваа година, сакам да го правам тоа што тато го сакаше и да го отворам кафулето на Божиќ. Не би било пријатно да славиме, па на Божиќ им служиме вечера на луѓето кои немаат дом. Сите мислиме на Крег. Сè е во негова чест. Тој би бил многу среќен за ова што го правиме“ – рекла таа.

Кафулето на Грејси

Освен празничен оброк, семејството приготвило и термо чорапи, ракавици и шалови, како и сендвичи.

За вечерата семејството поделило билети во хуманитарни организации кои им помагаат на бездомниците, а нивната општина донирала пари за да го финансира настанот.

„Тоа беше најубавиот Божиќ досега. Бев на училиште и се чувствував тажно поради смртта на татко ми, па решив да направам нешто со кое тој би се гордеел, а ова беше совршеното нешто. Луѓето доаѓаат и ме нарекуваат ‘супер грејс’. Не ја имам прашано мајка ми, но сакам да го правам ова секоја година“ – изјавила Грејси за Daily Mail.

Кафулето на Грејси

„Крег беше најдарежливата личност која можете да ја запознаете. Го помина својот живот усреќувајќи ги другите луѓе и се надеваме дека ние ќе можеме да го продолжиме тоа“ – додала Шерон.

Анкета

Анкета
Сметате ли дека е добра мерката за задолжително носење на заштитна опрема на лицето (маска, шал)?
  • 64%
  • 36%
Се испраќа...

(Вкупно: 6558 гласа)

Цитат

Можеш да ги исечеш сите цвеќиња, но не можеш да ја спречиш пролетта да дојде.

Пабло Неруда

Виц

Се качувам на вага по завршувањето на карантинот.

Вагата покажува: „Ве молам почитувајте социјално дистанцирање. Качувајте се еден по еден!“