Фарел Вилијамс му исполни голема желба на мал фан. Откако дозна дека Риф Карнесон обожава да танцува на хитот „Happy“ и дека посакува да се сретне со него, Фарел веднаш го поканил 8-годишното детенце на негов концерт во Филаделфија.
Поради кревкиот имунитет, болното дете не можело да патува со авион, па Фарел испратил приватен автомобил за да го земе од Охајо и да го однесе на средба кај него. Славниот пејач го сметил Риф и неговото семејство во хотел со пет ѕвезди.
По средбата, Фарел ги покани Риф и неговата сестра на сцената и пред бројната публика му ја испеа „Happy“.
Погледнете видео од средбата и настапот:
Само еден ден подоцна, Фарел одлета во Англија за да пее на хуманитарниот концерт во Манчестер.
Родителите на Риф му се заблагодарија на 44-годишниот музичар за доброто дело. Тие напишаа на Facebook: „Риф и Пејтен си поминаа неверојатно и ние секогаш ќе се сеќаваме на овој благословен момент. Фарел Вилијамс ти се многу скромен човек со прекрасна душа и со љубов кон нашите деца каква што нема никој друг. Биди благословен од Бог секогаш. Ова е за сите деца кои се борат со чудовишта.“
Риф од првата година од животот се бори со леукемија. Иако докторите во многу наврати ги подготвувале неговите родители за најлошото, храброто дете секогаш победувало во многуте битки.
