Црковната архитектура отсекогаш го фасцинирала Бери Кокс, но тој не ни помислувал дека ќе стекне светска слава, создавајќи уникатна „градба“ која мами со својата убавина. Цели четири години упорниот визионер работел за да направи волшебна црква целосно од дрвја.
Користејќи го своето искуство и опрема за пресадување на дрвја, Бери во задниот дел од својот имот во Нов Зеланд создал „прибежиште од општеството“ за своја душа. Сепак, откако го видел прекрасниот резултат, Кокс одлучил да ги отвори вратите од својот дом за јавноста. Сега црквата, која на необичен начин ја комбинира архитектурата и природата, е достапна за приватни и јавни настани.
„Еден ден излегов од задната врата помислувајќи: Овој простор има потреба од црква. Така започна сè. Ја расчистив областа во април 2011 година и ја направив металната рамка, користејќи ги истражувањата кои ги правев низ годините додека ги проучував црквите“ – рекол Кокс во интервју за Stuff.
Бери мудро ги засадувал различните видови дрвја за покривот значително да се разликува од ѕидовите, но и да им овозможува на гостите природна светлина. Тој на секои шест седмици ги поткаструва растенијата за да го одржува добриот изглед на црквата. И е неверојатно успешен во својата работа. Уверете се и сами: