Татко со „фотошоп“ фотографии се шегува со саканата кога ќе праша дали децата се ОК додека тој ги чува

Мајките честопати имаат сомнежи дека татковците можат добро да ги чуваат децата кога ќе ги остават со нив дома. Тие постојано се јавуваат, пишуваат пораки или бараат фотографии како доказ дека нивните малечки се ОК.

Кени Доус од Белгија пронајде начин како да се шегува со саканата секојпат кога таа ќе го праша дали децата се добро кога се со него.

Со помош на Фотошоп, креативниот татко создава фотографии на кои нивните ќеркички се во опасни ситуации.

Оваа идеја кај Кени се родила кога нивната прва ќерка била мала и партнерката побарала фотографија за да се осигури дека сè е во ред. „Додека работеше, таа постојано ми бараше фотографии за да провери дали бебето е добро. Тогаш одлучив да направам нешто забавно“ – рекол Кени.