Лејди Гага е препознатлива по својот стил. Колку понеобично, толку поинтересно – важи за нејзината облека.
Гледајќи го нејзиното појавување на црвениот тепих на доделувањето на Brit Awards, Најџел Бритен и неговата свршеница добиле генијална идеја – да направат страшило за птици според изгледот на Гага.
„Се смеевме за облеката на Лејди Гага и за нејзината необична перика и зборувавме колку страшно изгледа. Мојата свршеница на шега кажа дека треба да направиме страшило што ќе личи на неа. Прво се смеев, но потоа сфатив дека тоа всушност е добра идеја“ – изјавил Најџел.
Најџел го поставил страшилото „ала Гага“ на неговата фарма со пченка и според неговите зборови имало голем ефект.
„Ја поставивме минатата недела и досега има неверојатен ефект. Птиците мора да се преплашени од неа, затоа што не се приближуваат.“
Инвентивниот британец изјавил и дека неговиот ефективен дизајн треба да се постави на многу фарми низ Велика Британија.