Романтични моменти од свадбата на принцот Хари и Меган Маркл кои изгледаа како од бајката за Пепелашка

Принцот Хари и Меган Маркл се заколнаа на вечна љубов на свечена церемонија која се одржа пред два дена.

Првиот бакнеж, излегувањето од црквата, возењето со кочијата... романтични фотографии од младенците на кралската свадба беа споредувани со сцени од дизниевата бајка за Пепелашка.

„Вистинска бајка“ – пишуваат корисниците на Twitter на постовите.

По свадбата, Хари и Меган ги добија титулите војвода и војвотка на Сасекс.

На најсреќниот ден од својот живот, Меган носеше две венчаници. За црковната церемонија сопругата на принцот Хари блескаше во невестински фустан од Клер Вејт Келер, која од неодамна е на чело на модната куќа Живанши.

За вечерната свадбена свеченост, Маркл се пресоблече во елегантна венчаница која го носи потписот на Стела Мекартни.