Позитива на денот: 5-годишно детенце ги покани сите другарчиња од градинка на неговото официјално посвојување

Весела атмосфера владееше во судница во Мичиген кога мало момче и официјално беше посвоено.

Додека судијката ја соопштуваше конечната одлука за посвојувањето на 5-годишниот Мајкл, зад среќното детенце седеа сите негови другарчиња од градинка со рачно изработени срца во рацете.

Две од дечињата изјавија „Го сакам Мајкл“ и „Мајкл е мојот најдобар другар“ пред Андреа и Дејв да му станат родители засекогаш на саканото дете.

Видео

Парот, кој е во брак 10 години, го имал згрижено слаткиот Мајкл една година пред посвојувањето. „Немавме деца претходно и набрзина сè стана хаотично“ - рече радосната мајка и додаде дека е пресреќна што Мајкл има толку многу другарчиња.