Писмо на уморна мајка до децата: „Би ве избрала вас и овој живот милиони пати по ред, дури и кога сум уморна и фрустрирана“
Почетна » Новости » Занимливости » Писмо на уморна мајка до децата: „Би ве избрала вас и овој живот милиони пати по ред, дури и кога сум уморна и фрустрирана“

Писмо на уморна мајка до децата: „Би ве избрала вас и овој живот милиони пати по ред, дури и кога сум уморна и фрустрирана“

Растргнати помеѓу бројните грижи и обврски, мајките честопати се чувствуваат нервозно, фрустрирано и раздразливо. Но, тие негативни емоции воопшто не ја намалуваат огромната љубов кон нивните деца.

За да им порача дека ги сака дури и во моментите на нервоза, Џесика Џонсон им напиша писмо на своите четири деца, со кое разнежи илјадници срца низ светот. Многу мајки ќе се пронајдат во нејзините зборови:

Џесика Џонсон

Драги деца,

Ве избирам вас дури и кога...

Дури и кога наутро сум нервозна и посегнувам по моето кафе додека кршам јајца во тавчето. Дури и кога вие не сте благодарни за храната и ја туркате наоколу со виљушката, поставувајќи прашања како: „Ова е СÈ што имаме?“. Дури и тогаш, претпочитам да бидам тука, нервозна и да готвам за вас, наместо на кое било друго место во светот.

Дури и кога се качувате во мојот кревет и раката ми се здрвува зашто не можам да мрднам, а посакувам само УШТЕ ЕДЕН час одмор. Не би го менувала овој живот за живот во кој би била свежа и будна. Ниту во милион години не би го променила ова.

Знаете, во минатото не ни помислував дека ќе ве имам. Се молев за вас, прашувајќи се дали некогаш ќе ве имам. Мечтаев за вас, копнеев и ве посакував со целото мое срце. Не би ги заменила овие моменти на фрустрација, не би ги заменила овие моменти за ништо на целиот свет.

Да, се разлутувам. Да, се фрустрирам.

Понекогаш, си мислам дека ќе полудам, но ја собирам вашата долна облека и вашите мрсни боички по милионити пат, љубови мои.

Тоа е мојата најголема радост дури и кога се чувствувам изморена, наместо благословена.

Додека гледам во вашите слатки, бесценети, лиценца заспани на перницата... Знам дека ова е најубавото патување. Благодарна сум што сум тука во овој момент со вас.

Ќе ве изберам вас и ќе го изберам овој живот милиони пати по ред, дури и кога сум изморена.

Јас сум секогаш и засекогаш ваша.

Ве сака,

Мама

Анкета

Анкета
Дали редовно си правите самопреглед на дојките?
  • 26%
  • 74%
Се испраќа...

(Вкупно: 4121 гласа)

Цитат

Не патуваме за да избегаме од животот, туку за животот да не ни избега нам.

Анонимен

Виц

Мажите со брада во 1819 година:

- Ќе ја убијам оваа мечка со голи раце!!!

Мажите со брада во 2019 година:

- Органски ли е овој крем за раце?