Принцот Хари и Меган Маркл пред два дена запливаа во брачните води.
Кенсингтонската палата ги објави првите официјални фотографии од младиот кралски пар.
36-годишната сопруга на принцот Хари изгледа отмено во невестински фустан од Клер Вејт Келер, креативната директорка на Живанши.
Меган на главата носи блескава тијара. Дијамантскиот моден додаток нејзе ѝ е позајмен од кралицата Елизабета Втора. Станува збор за филигран тијара изработена во 1932 година.
Младенците позираа и со кралицата Елизабета, принцот Филип, принцот Чарлс, војвотката Камила, војвотката Кетрин, принцот Вилијам, принцот Џорџ, принцезата Шарлот и Дорија Регланд.
Фотографиите биле направени од Алексиј Љубомирски во замокот Виндзор.