Фотосесија со шест новороденчиња инспирирана од шесте пријатели во хит-серијата „Пријатели“ ќе ве освои и на момент ќе ви ги оттргне мислите од случувањата околу вас.
Фотографките Менди и Даниел застанаа зад објективот за да направат фотографии кои зрачат со неодоливост. За да ја реализираат својата замисла, тие создадоа мини кауч како оној од популарното кафуле „Central Perk“ кое беше собиралиште на Рејчел, Моника, Фиби, Џои, Чендлер и Рос.
„Онаму каде заборавате на коронавирусот за момент. Може ли да бидат послатки?“ – напишаа тие во описот.
Фановите на серијата ќе забележат дека сите реквизите за фотосесијата се директно поврзани со ликовите.
