Кралицата Ранија отпатува во Берлин за да ѝ додели почесна награда за политичко лидерство на германската канцеларка Ангела Меркел, поздравувајќи ја нејзината морална храброст и посветеност да обезбеди стабилност, просперитет, слобода и мир.
48-годишната кралица на Јордан ѝ ја врачи статуетката на успешната политичарка на свеченост која се одржа вчера во германската метропола.
На настанот, шармантната јорданска кралица се појави во елегантно издание. Блескавиот фустан, кој е дело на руската дизајнерка Улјана Сергеенко, таа го искомбинира со обувки од Ботега Венета.
Кралицата Ранија се бори за правата на бегалците кои ги напуштаат своите земји поради војна и прогонства, па ја искористи оваа можност да ѝ се заблагодари на Меркел за отворањето на границите и примањето на над 1 милион бегалци во Германија во 2015 година.
