Имам ги отвора вратите на џамија за уличните мачки од Истанбул да се топлат во зимските денови

Имам со големо срце допре до милиони лица низ светот со својата добродушна одлука да им даде засолниште на улични мачки во својата џамија. Мустафа Ефе ги отвори вратите на џамијата Худаи Азиз Махмуд за мачките скитници од Истанбул да имаат каде да ги поминат студените зимски денови.

Ефе објави фотографии од новите миленици на Facebook, заедно со видео во кое се гледа како една од мачките ги прибира своите малечки во џамијата и ги сместува на местото од каде што проповеда тој. „Мачката го пронајде срцето на сочувството и милоста“ – напиша грижливиот љубител на мачки на Facebook.

Објавите на хуманиот муслиман освоија илјадници корисници на социјалните мрежи, а многу од посетителите на џамијата споделија и свои фотографии од животните.