За сите жени вработени во Витаминка бесплатни ехо-прегледи на дојка во самата компанија
Почетна » Новости » Занимливости » За сите жени вработени во Витаминка бесплатни ехо-прегледи на дојка во самата компанија

За сите жени вработени во Витаминка бесплатни ехо-прегледи на дојка во самата компанија

Повеќе од 300 жени вработени во Витаминка добиваат преглед со ехо на дојка во просториите на самата фабрика. Ехо-апаратот е поставен во соодветна просторија во компанијата и во текот на неколку дена се извршуваат прегледите.

Вработените што се пријавиле за преглед, по ехо анализата се консултираат и со медицинско лице и добиваат совети за понатамошни прегледи и за важноста на превентивното дејствување.

Бесплатни ехо прегледи на дојка во Витаминка

Со спроведување на прегледите во самата компанија, покрај што се прави вистински потег на искрена грижа за здравјето и добросостојбата на жените од сите возрасти вработени во компанијата, уште и се поттикнува самосвесноста за потребата од редовни прегледи. Оваа активност е уште една од низата практики за заштита и унапредување на безбедноста и здравјето во работењето.

Иницијативата за ваквото организирање на прегледите потекна од управата на компанијата: „Во секојдневното брзање и преокупираност со дневните обврски кон домот, децата и кон професионалниот ангажман, жените многу често себеси и грижата за сопственото здравје ги ставаат во втор план и ги запоставуваат редовните прегледи, кои се и тоа како важни во превенирањето од несакани заболувања. Токму таквиот однос кон сопственото здравје и грижата за секој вработен поединечно, нè поттикна на овој чекор и веруваме дека со истото ќе се охрабрат за поголема грижа и свесност за сопственото здравје“, велат од компанијата.

Бесплатни ехо прегледи на дојка во Витаминка

Анкета

Анкета
Дали го вакцинирате вашето дете?
  • 70%
  • 13%
  • 18%
Се испраќа...

(Вкупно: 9451 гласа)

Цитат

Вистински пријател е оној кој ја гледа тагата во твоите очи, додека сите останати веруваат во насмевката на твоето лице.

Анонимен

Виц

Како се нарекува маж кој одбива да користи презерватив?

- Татко.