Почетна » Новости » Занимливости » Денес е Светски ден на спиењето

Денес е Светски ден на спиењето

Ако уживате во спиењето или имате проблеми со него, ова е вашиот ден. Денес се одбележува Светскиот ден на спиењето под мотото „Да спиеме добро – да останеме здрави“.

Спиењето е исклучително важно за здравјето.

Светскиот ден на спиењето е интернационален настан наменет и да го прослави самиот акт на спиење и да ја подигне свеста кај луѓето за проблемите и нарушувањата поврзани со него. Настанот е спонзориран од Светската асоцијација на медицината на спиењето, составена од експерти за спиењето од целиот свет.

Иако повеќето луѓе се обидуваат да си пружат услови за добар и квалитетен сон, последните податоци покажаа дека дури една третина од возрасните лица страдаат од инсомнија и 80 други нарушувања на спиењето.

Спиењето е исклучително важно за здравјето. Експертите препорачуваат за добар сон да се применуваат следните „10 заповеди“:

Фиксирано време на заспивање и разбудување;
Ограничување на дневните дремки на 30-45 минути;
Избегнување на премногу алкохол и пушење 4 часа пред спиење;
Избегнување на кофеин 6 часа пред спиење. Тоа вклучува кафе, чај, газирани сокови и чоколадо;
Избегнување на мрсна, зачинета и слатка храна 4 часа пред спиење;
Редовно вежбање, но не непосредно пред легнување;
Употреба на убав душек;
Добро проветрување на спалната и одржување на пријатна температура;
Елиминирање на светлото и сите звуци кои го земаат вниманието;
Резервирање на креветот само за спиење и секс.