Бидете хрчак за една вечер во хотел во Франција

Сопственикот на хотелот на тркалото за рекреација.

Хотел во францускиот град Нант им нуди на своите гости уникатна можност да искусат на своја кожа како е да бидеш хрчак.

Во оригиналниот хотел Villa Hamster, по цена од 99 евра на вечер посетителите добиваат соба чиј под е прекриен со слама и дрвени струганици, се хранат со семки и пијат вода од мала фонтана. За да се забавуваат гостите можат да трчаат во внатрешноста на големо тркало, т.е. да го искусат животот на хрчак од сите аспекти.

Првите гости во хотелот велат дека престојот е уникатно искуство кое им го менува начинот на живот.

Сопствениците на овој нестандарден хотел Frederic Tabary и Yann Falquerho имаат своја компанија за наем на невообичаени и бизарни места. Тие сметаат дека цената за престојот во Villa Hamster наскоро ќе се зголеми, затоа што гостите сакаат да имаат и мали луксузи како безжичен интернет.