Кралицата Ранија одржа говор во рамките на самитот HeForShe IMPACT во Њујорк.
На настанот, 48-годишната јорданска кралица се појави во елегантно деловно издание. Светлиот костум е дело на италијанската модна куќа Ermanno Scervino.
„Како личност која патува меѓу Истокот и Западот и ги слуша сториите на жените, можам да ви кажам: Кога станува збор за зајакнувањето на жените, далечината се топи и разликите исчезнуваат“ - рече таа и додаде дека сите жени се соочуваат со универзални проблеми како балансирање помеѓу мајчинството и кариерата и реалноста дека мажите се поплатени од жените.
Иницијативата HeForShe на UN Women ги поттикнува момчињата и мажите да им станат партнери на девојчињата и жените во борбата за женските права и става акцент на фактот дека сите би имале бенефиции од родовата еднаквост.
