„Чувството е како да дошол крајот на светот“: Македонката Лела во искрена порака опишува каков е животот во карантин во Италија
Почетна » Новости » Животни стории » „Чувството е како да дошол крајот на светот“: Македонката Лела во искрена порака опишува каков е животот во карантин во Италија

„Чувството е како да дошол крајот на светот“: Македонката Лела во искрена порака опишува каков е животот во карантин во Италија

Откако Светската здравствена организација прогласи пандемија, уште повеќе се засилија мерките за безбедност и спречување на ширење на новиот коронавирус COVID-19.

Македонски иселеници во Италија советуваат сите да се придржуваме до препораките на Министерството за здравство, за да се заштитиме себеси и нашите најблиски.

Лела Сидикарио, која живее во Милано, напиша текст за да ја опише ситуацијата во италијанската метропола под карантин.

„Ве молам, ве молам научете од грешките, ние сме мала земја која може да заврши во голема трагедија. Доволно ја сакате да ја заштите! Во Италија целата земја е во карантин. 60 милиони луѓе се во карантин! Ова можеше да се спречи доколку од почетокот се слушаа упатствата. Грижете се за вас и животот на вашите сакани!“ – порачува таа.

Лела Сидикарио

Прочитајте ја целата порака:

Здраво на сите,

Првенствено фала на сите мои пријатели кои ми пишаа и сакаа да се информираат како е ситуацијата во Милано!

Да, живеам во Италија - Милано, и затоа се решив да споделам со вас како се одвива животот овде во овие тешки денови и како мислам дека треба и мора да научите од грешките.

Во моментов сме во карантин.
Не може да се излегува на улица,
Ако излезеш без валидна причина Полицијата може да те казни!
Сè е затворено!
Бизнис, Трговски центри, Продавници,
Сите улици без жива душа,

Чувството е како да дошол крајот на светот!

Италија, а Милано посебно секогаш бил симбол за добриот живот и тој живот се претвора од момент во момент, во едно темно место....место на војна!

Тоа е реалност која никогаш не сум помислила дека ќе ја доживеам пак после 90-тите години со распаѓање на Југославија.

Луѓето се збунети, тажни, вознемирени, беспомошни и претежно не разбираат како оваа реалност била присилена врз нив и кога ќе заврши целиот овој кошмар.

Голема грешка беше тоа што, на почетокот сите постираа статистики да покажат дека вирусот е полесен него еден обичен грип, и луѓето продолжија да ги водат своите животи како и обично и работеа од дома, а всушност сите беа на улици, уживајќи го убавото време и чувствувајќи го моментот како еден вид на одмор, собири по паркови, гледање со пријатели, големи фамилијарни собири. Сите згрешија па дури и јас!

Ве молам, внимавајте ова не е шега.

Заштитете ги вашите најблиски, родителите, бабите и дедовците!

Болеста е опасна за нив.

Тие умираат! Бројката дневно овде е дека губиме по 200 луѓе, а 2000 нови случаеви се регистрирани.

Не дека здравствениот систем во Милано не е добар (тој е еден од најдобрите во светот), но зошто умираат?! Затоа што нема место за секого во болниците!

Лекарите избираат кој ќе умре!

И тоа само заради несериозноста на граѓаните, и нашата свест и одговорност кон самите нас и цивилното општество!

Ве молам, ве молам научете од грешките, ние сме мала земја која може да заврши во голема трагедија. Доволно ја сакате да ја заштите!

Слушајте ги упатствата на Министерството за здравство

(Не е момент за препукувања но сложност и обединет пат - непријателот е еден вирусот)

Бидете на дистанца од еден метар на секоја личност.
Не се приближувајте, не се гушкајте и бакнувајте.
Помогнете им на експертите да го спречат ширењето

Во Италија целата земја е во карантин

60 милиони луѓе се во карантин !!

Ова можеше да се спречи доколку од почетокот се слушаа упатствата

Грижете се за вас и животот на вашите сакани!

Ви праќам еден цртеж кој моите деца го направија за една кампања која оди низ цела Италија со слоган СЕ ЌЕ БИДЕ ВО РЕД! И така и ќе биде доколку сите седиме ДОМА!

Анкета

Анкета
Дали си го променивте однесувањето во врска со ракување, миење на рацете, допирање на лицето и одржување на социјална дистанца во услови на коронавирус?
  • 95%
  • 5%
Се испраќа...

(Вкупно: 3334 гласа)

Цитат

Не патуваме за да избегаме од животот, туку за животот да не ни избега нам.

Анонимен

Виц

Мажите со брада во 1819 година:

- Ќе ја убијам оваа мечка со голи раце!!!

Мажите со брада во 2019 година:

- Органски ли е овој крем за раце?