„Родителите си ги немам гушнато. Живеам во спалната оти е прва врата од влез“: Трогателна порака на македонска докторка
Почетна » Новости » Животни стории » „Родителите си ги немам гушнато. Живеам во спалната оти е прва врата од влез“: Трогателна порака на македонска докторка

„Родителите си ги немам гушнато. Живеам во спалната оти е прва врата од влез“: Трогателна порака на македонска докторка

Искрена порака на македонска докторка ќе ве трогне.

На Twitter профилот Опиум (Dokturkata), таа го опишува своето секојдневие, пренесува дека живее на релација работа-дома, речиси не си ги гледа родителите и престојува во спалната соба за да ги заштити најмилите, бидејќи мајка ѝ спаѓа во ранливите категории.

докторка

Прочитајте го текстот во целост:

Работам 24ки сама. Ако треба продолжувам плус смена. Се менуваме 3 колешки. Полиција ме носи, полиција ме враќа. 100 луѓе на еден лекар, сите збеснати за дома, сите по доктор викаат оти нема по кој друг. Прегледувам и со полиција до мене оти знаат да се агресивни.

Доктор е крив ако топломер покажи над 37C. Целосна опрема при секој контакт, не знаеш дали некој е позитивен. Живеам 2 недели на работа-дома, 2 пати бев само до продавница да кренам сè што можам, за да не се мешам дополнително во народ.

Најголем стрес ми е дома. Да имав избор немаше ни да се враќам, ќе живеев периодов на работа. Пред врата цел ритуал на слекување имам. Живеам во спалната оти е прва врата од влез. Тука јадам, спијам сè. Мајка ми нема пристап. Со маска сум константно.

Јас се имам помирено дека тоа ми е работа и имам огромни шанси да го фатам чудово. Колку и да се пазам. Нема да си простам само ако пренесам дома. Мајка ми е со хронична белодробна на пумпици и преживеан карцином на дојка 3б стадиум. Во ист стан се немаме ни видено што се вика.

И нема зуцнато бе. Ич се нема пожалено. Од прв ден кога почнав, муабетот е „тоа е мајкино, ќе помини, мора да одите". А не ѝ е сеедно. Јас се тресам за неа, таа се треси за мене.

И кај сите колеги ист е муабетот „не ми е за мене, за моите дома се плашам, само дома да не однесам".

И не, не можам да сфатам колку ви е тешко дома. Не можам да сфатам дека не можите 3 дена да ги прележите по дома со интернет, со серии, со телефони и дека не е хуман полицискиот час. И дека ви расипале празници и шеткарање за Велигден.

Родителите си ги немам гушнато месец и пол за ти да пое*** све за да лапнеш лажиче на причест???

Анкета

Анкета
Сметате ли дека е добра мерката за задолжително носење на заштитна опрема на лицето (маска, шал)?
  • 63%
  • 37%
Се испраќа...

(Вкупно: 5981 гласа)

Цитат

Можеш да ги исечеш сите цвеќиња, но не можеш да ја спречиш пролетта да дојде.

Пабло Неруда

Виц

Се качувам на вага по завршувањето на карантинот.

Вагата покажува: „Ве молам почитувајте социјално дистанцирање. Качувајте се еден по еден!“