Медицинско чудо во Хрватска: Успешно раздвоени сијамски близначки, двете девојчиња одлично напредуваат
Почетна » Новости » Животни стории » Медицинско чудо во Хрватска: Успешно раздвоени сијамски близначки, двете девојчиња одлично напредуваат

Медицинско чудо во Хрватска: Успешно раздвоени сијамски близначки, двете девојчиња одлично напредуваат

Медицинскиот персонал во Клиничкиот болнички центар „Ребро“ во Загреб има за што да слави. Сијамските близначки, кои пред повеќе од два месеци беа успешно раздвоени во центарот, одлично напредуваат и се во добра здравствена состојба.

Валентина и Кристина Валентина и Кристина

Валентина и Кристина се родија на средината од јануари како сијамски близначки споени во градниот кош, црниот дроб и цревата.

Операцијата за нивно одвојување бил еден од најкомплицираните медицински зафати и втор таков случај во светот. Одвојувањето се смета за „медицинско чудо“, бидејќи во првиот случај, преживеал само едниот близнак, а во овој случај и двете близначки преживеале.

Валентина и Кристина

Вкупно 14 доктори и хирурзи од различни медицински полиња оперирале 15 часа за успешно да ги одвојат сестричките. Родителите Марија и Петар Тамболаш постојано биле покрај своите ќерки во болницата.

Близначките страдале од синдром на меѓублизначка трансфузија и поради тоа што им бил загрозен животот, тие морале да бидат оперирани кратко по раѓањето.

Бидејќи се родиле предвреме во 33-тата недела од бременоста, Валентина и Кристина ги поминале првите пет недели од животот во подготовки за операција.

Валентина и Кристина Валентина и Кристина

Уште во третиот месец од бременоста, на Марија ѝ кажале дека носи сијамски близнаци и ја советувале да абортира. Но, таа им рекла дека абортусот не е опција за нив и одлучила да ги роди. Иако во текот на целата бременост имала кошмари и проблеми, ништо не било потешко од неизвесноста од резултатите од операцијата.

„Најтешко ни беше додека беа на операција и претходно кога имаа воспаление на цревата, тоа беше тешко, едвај преживеаја“ – рекла Марија.

Дополнителен проблем за време на операцијата била блискоста на срцата на девојчињата.

„Срцата беа многу блиску и не беше јасно дали ќе има проблем при раздвојувањето на тие мали прекрасни срца“ – рекол еден од докторите кои се заслужни за историскиот зафат.

„Девојчињата се добро и се опоравуваат како што очекувавме“ – додал тој.

„Се работи за втор случај во светот близнаци да бидат споени со црниот дроб и со цревата. Во првиот случај, преживеа само еден од близнаците, а нашите девојчиња се живи и засега напредуваат добро“ – рекла докторката Ружа Грижељ во интервју по операцијата.

Валентина и Кристина

Марија и Петар се родители на уште две деца - една ќерка и еден син.

Валентина и Кристина Валентина и Кристина

Видео

Анкета

Анкета
Дали го вакцинирате вашето дете?
  • 70%
  • 13%
  • 17%
Се испраќа...

(Вкупно: 8605 гласа)

Цитат

Вистински пријател е оној кој ја гледа тагата во твоите очи, додека сите останати веруваат во насмевката на твоето лице.

Анонимен

Виц

Како се нарекува маж кој одбива да користи презерватив?

- Татко.