„Жива си, а не живееш. Се смееш, а плачеш во душата“: Апел за помош на Марга која боледува од церебрална парализа
Почетна » Новости » Животни стории » „Жива си, а не живееш. Се смееш, а плачеш во душата“: Апел за помош на Марга која боледува од церебрална парализа

„Жива си, а не живееш. Се смееш, а плачеш во душата“: Апел за помош на Марга која боледува од церебрална парализа

Марга Велеска целиот свој живот страда од церебрална парализа, а за подобрување на нејзината здравствена состојба, има потреба од наша помош.

Првата операција таа ја направила во 2005 година, а во 2016 година, започнала и лекување со матични клетки, кои со секој изминат третман, помагаат да се подобри нејзината состојба.

До целосно исправување на нозе, ѝ се потребни уште две операции.

За секој третман во Русија, со вклучени патни трошоци, Марга плаќа по 6.500 евра.

Отворете го срцето и донирајте!

Телефонски броеви за донации

T-Mobile: 143 114

А1: 143 487

Марга Велеска

Апел за помош на Марга ни испрати хуманата Верче Крстевска. Прочитајте го:

Марга има да ви каже нешто.

„Жива си, а не живееш... Се смееш, а плачеш во душата... Имаш пријатели, а затворена си во својата самотија, осаменост и тага... Сакаш да трчаш, но паѓаш....“

„На овие години сакаш да имаш некој што те сака, сакаш деца да ти трчкаат околу тебе, сакаш некој да ти рече „мамо“, сакаш семејство и нормален живот, сакаш, сакаш многу работи што се нормални и секојдневни и постојат за сите, но не и за тебе...“

„Сè што сакаш е да имаш живот, а имаш само болници и лекови (суплементи, витамини, додатоци во храна итн.) откако знаеш за себе... На овие години зависиш од родителите кои сè уште се тука, за среќа, но што после нив и како?“

Ахх, овој живот луѓе... Марга вика: „Знаеш колку пати сум паднала, ехеее, на тротоар, во маркет, на улица итн. и луѓето ќе те погледнат и си викаат ќе стане де, а јас не можам да станам, раката не ми функционира да се потпрам за да станам, ногата ми откажала, затоа и паднав. И некогаш седам така падната и едвај собирам сили да не се расплачам на цел глас и да им викнам ПОМОГНЕТЕ МИ, не можам сама! И се мачам да станам, седам така и се трудам да не ги гледам луѓето што ме одминуваат, се трудам да не се самосожалувам, се трудам сама да се исправам, а знам дека не можам, некој мора да ме крене во тие моменти кога ми откажува телото... А во себе вриштам и плачам!“

Вака Марга го живее својот живот секој ден, падни-стани... И после толку паѓања, стотици пати раскрвавени колена и преживеан потсмев, задржани солзи кога ти се вришти, конечно има надеж! Сега е речиси исправена. Стои речиси сама, не се држи веќе за ништо... После неколку операции, конечно животот добива смисла!

Фалат уште 2 операции и толку! Нема да има веќе паѓање, нема самосожалување, уште многу малку има за Марга да застане сама, да се исправи и да го почне животот сама и горда на себе после 32 години. Некогаш вреди да се бориме со сите сили, вреди да веруваме, вреди да имаме надеж!

Марга веруваше во себе, да веруваме сега и ние во неа и да ѝ помогнеме!

Уште 2 операции и крајот на голготата е тука.

Марга, држи се, одиме на претпоследната операција. Издржа дотука, издржи уште малку. Народот сака вакви јунаци како тебе, ни ја враќаш волјата за живот и вербата во невозможното!

Нема веќе паѓање, со тебе сме ние!

Одиме другари, за живот без паѓања и за ново поглавје во животот на Марга!

Т-Mobile: 143 114

А1: 143 487

Глава горе Магра, избриши ги солзите и погледни во сонцето, со тебе сме!

Од крвави коленици, до живот на нога. Уште 2 чекори нè делат!

Маргич, го имаш народов, а со тоа имаш сè. Овој народ е можда сиромав, ама има срце ко планина!

Одиме другари, сите заедно!

Марга Велеска

Марга има свој YouTube канал каде споделува видеа од напредокот.

Анкета

Анкета
Каде планирате да одите на одмор летово?
  • 41%
  • 14%
  • 25%
  • 20%
Се испраќа...

(Вкупно: 8695 гласа)

Цитат

Некои од најдобрите спомени се создадени во апостолки.

Кели Елмор

Виц

Крем со колкав фактор?

- Со 20.

Доволно ќе ви е?

- Ако згрешам, нека изгорам.