Под когнитивно размислување се подразбира развојот на сите функции кои придонесуваат за препознавањето и поврзувањето на предметите и лицата од околината на едно лице. Во овие функции спаѓаат интелигенцијата, свесноста, решавањето проблеми, меморија, говор итн. Когнитивниот развој често се користи и како синоним за интелектуалниот развој и развојот на интелигенцијата. Оваа сфера е од огромна важност кај децата, посебно во претшколската возраст.
Денес составив една мала листа од способности, знаења, кои владеат како општо прифатени од голем број на стручњаци при уписот во училиште:
Когнитивно размислување
- Ги знае сите бои
- Брои до 20
- Ги сфаќа количините до 5
- Ги сфаќа едноставните операции за собирање и одземање
- Споредува количини (помалку, повеќе, исто)
- Препознава бројки од 1 до 10
- Ги знае деновите во неделата и годишните сезони
- Го сфаќа концептот за време
- Разликува лево од десно
- Се придржува кон едноставни правила
- Разликува банкноти и монети
Говор
- Знае да состави комплексна реченица на мајчиниот јазик
- Раскажува настани по правилен редослед
Фина моторика
- Ја обојува внатрешноста од зададените форми
- Сликите кои ги бои, (куќа, кола, човек…) имаат детали
- Веќе е утврдено дали е левак или деснак
- Може да си го напише името
- Правилно ги употребува ножиците, лепакот и боиците/моливот
Крупна моторика
- Има добра координација и баланс
- Без проблем може да игра со топка, истата да ја фрла и фаќа
- Може да вози велосипед
- Вешто се искачува (пентари), скока
Социо-емоционален развој
- Презема задача и одговорност околу истата
- Ги знае правилата
- Може да се организира
- Може да се справи со зададените задачи
Односот кон играта
- Игри со правила
- Истрајност
- Љубопитност
- Знае како да ја добие потребната информација
- Може да се сконцентрира 20-30 минути