Јога инструкторката Ивана Стаменковска ја открива тајната на исхраната богата со омега-3 масни киселини

Флексибилна, „заразно“ позитивна, безрезервно посветена на активниот живот, секогаш фокусирана на самоподобрување, а особено остроумна и промислена кога е во прашање исхраната. Тоа ја опишува Ивана Стаменковска, јога инструкторката која ја победува гравитацијата и ококорува очи со „невозможните“ пози.

Како и секоја личност посветена на негувањето на здраво тело и здрав дух, Ивана постојано експериментира во кујната со цел да пронајде најдобри опции кои ќе ја одржуваат во топ форма и физички и ментално. Токму затоа преферира храна богата со омега-3 масни киселини.

И во моментите кога ужива во природа или сака брз и здрав оброк, таа има решение без да прави компромиси од нутритивен аспект – ужива во Eva сардини, имајќи на ум дека внесува богатство од протеини, витамини и минерали заедно со драгоцените омега-3 масни киселини. Погледнете:

ВИДЕО

Kога сме кај омега-3 масните киселини, сè почесто слушаме колку се значајни за нашето здравје и секогаш е убаво да се едуцираме малку повеќе за нив и да се потсетиме на бројните бенефиции.

Омега-3 масните киселини се есенцијални нутритиенти кои телото не може да ги произведува и мораме да ги внесуваме преку исхраната. Постојат три главни омега-3 киселини: EPA и DHA кои ги има во масните риби како сардини, лосос и туна и ALA, која е најзастапена во нашата исхрана преку растителните масла, јатките (особено оревите), лененото семе и листестите зеленчуци.

Зошто омега-3 масните киселини се толку специјални?

1. Чувари се на срцето. Омега-3 масните киселини ни носат огромен број бенефиции, но најсилни се доказите за придобивките за здравјето на срцето. Тие го чуваат овој витален орган со тоа што го:

• Зголемуваат „добриот“ (HDL) холестерол;
• Намалуваат нивото на триглицериди;
• Снижуваат крвниот притисок;
• Забавуваат затнувањето на артериите.

2. Го подобруваат здравјето на очите.

3. Превенираат воспалителни процеси.

4. Одлични се за здрава и привлечна кожа и се борат со стареењето.

5. Го подобруваат здравјето на мозокот кај фетусите, бебињата и малите деца.

6. Ги ублажуваат несаканите ефекти од третманите за рак.

7. Помагаат при депресија и анксиозност.

8. Штитат од деменција и Алцхајмерова болест.

9. Асистираат за подобар сон.

10. Позитивно влијаат при алергии.

Експертите се едногласни: најдобриот начин да се внесат омега-3 масни киселини е преку масна риба како сардини, лосос или туна и советуваат да се консумира риба барем двапати неделно.