Магнезиумот - извонреден минерал

Магнезиумот заедно со калиумот, калциумот и натриумот се основните елементи неопходни за правилно функционирање на организмот на човекот. Вашето тело не го произведува овој важен минерал. Поради тоа, потребно е секојдневно да консумирате храна, богата со магнезиум.

Повеќето јаткасти плодови содржат магнезиум.

Зошто ни е потребен магнезиум?

Магнезиумот игра важна улога во работата на кардиоваскуларниот систем, нервниот систем, мускулите, бубрезите, црниот дроб, жлездите што лачат хормони и мозокот. Тој се апсорбира преку цревата и потоа со помош на крвта се транспортира до клетките и органите, каде што се складира.

Денес научниците веруваат дека магнезиумот помага во превенцијата и лекувањето на многу болести како астма, аутизам, срцеви заболувања, епилепсија, ХИВ/Сида, мултиплекс склероза, ПМС и лупус.

Симптоми при недостиг на магнезиум

Магнезиумот учествува во различни реакции и функции на организмот. Две третини или 60% од магнезиумот во телото се наоѓа во коските, 35% во срцевиот мускул и скелетните мускули, а остатокот во бубрезите, црниот дроб и мозокот. Поради тоа, симптомите при недостиг на магнезиум се најразлични. Најчести симптоми се:

Бананите можат да ви помогнат да го надоместите недостатокот на магнезиум.

• Слабост или грчеви во мускулите;
• Аритмија или забрзано отчукување на срцето;
• Главоболка;
• Висок крвен притисок;
• Покачување на телесната тежина;
• Депресија;
• Мачнина;
• Недостаток на апетит.

Недостатокот на магнезиум може да се утврди преку анализа на крвта. Неконтролираното консумирање на магнезиум под формата на апчиња или како додаток во исхраната може да доведе до предозирање. При предозирање со магнезиум симптомите се: дијареја, малаксаност и поспаност. За да ги избегнете тие непријатности, не употребувајте магнезиум надвор од вашата исхрана, освен ако тоа не ви е препишано од доктор.

Препорачани дневни потреби

Препорачаните дневни потреби за магнезиум се:

• Новородени (0-6 месеци) – 30mg
• Новородени (7-12 месеци) – 75mg
• Деца (1-3 години) – 80mg
• Деца (4-8 години) – 130mg
• Тинејџери (14-18 години) – 360 до 410mg
• Мажи (19-30 години) – 400mg
• Мажи (31 година и нагоре) – 420mg
• Жени (19-30 години) – 310mg
• Жени (31 година и нагоре) – 320mg
• Бремени жени (19 години и нагоре) – 350 до 360mg
• Доилки (19 години и нагоре) – 310 до 320mg

Храни богати со магнезиум

Повеќето растенија и јаткасти плодови содржат магнезиум. Консумирањето на сончоглед, соја, ореви, семки од тиква, грав, леќа или интегрален леб, зелена салата, морска риба, банани и чоколадо го покачува нивото на магнезиум во организмот.

Денес сите ние водиме стресен живот, а магнезиумот го подобрува расположението и помага при стрес. За да бидете поспокојни и поздрави не прескокнувајте ги споменатите храни, богати со овој незаменлив минерал.

Коментари (2)

dunja

21:51, 08 декември 2009г. #

mi se dopadja

interesna

16:44, 08 јуни 2010г. #

инаку сите припадници на крвна група Б патат од недостиг на магнезиум а со тоа и од синдром на хроничен замор, еве јас гледам по себе си дека е точно, ми се препорачуваат банани а тие кога ги јадам ми создаваат запек и биди ти тука паметен!

Напишете коментар

Треба да се најавите за да можете да испраќате коментари.
Ако сè уште не сте регистрирани, кликнете овде.