Се ближи Велигден, па интензивно започнуваат подготовките за овој голем христијански празник. Домаќинките ја активираа креативноста за развеселување и украсување на трпезата и внесување на празничен дух во своите домови.
Се разбира, фокусот е ставен на велигденските јајца. Во продолжение погледнете креативни идеи за бојадисување и украсување на јајцата:
„Позлатени“ пастелни јајца
Вапсајте ги јајцата и оставете ги да се исушат. Во мал сад, измешајте бело лепило и вода во сооднос 1:1, а исечената украсна хартија ставете ја во вдлабнатините од влошката за јајца (како на фотографијата).
Со четка земете од лепливата течност и премачкајте само на долната половина од јајцето. Премачканиот дел „макнете“ го во златните исечоци и оставете да се исуши.
Мозаик
Премачкајте ги сварените јајцата со лепило и внимателно наредете врз нив мали парчиња од искршена лушпа од друго јајце.
Мрвици
Сварете бели јајца и оставете добро да се изладат. Потоа со тенка четкичка земајте од боите и нанесувајте мали цртички кои ќе наликуваат на разнобојни мрвици. Искористете 5-6 различни бои.
Зајачиња
Мермерни јајца
Во сад со вода, ставете лак за нокти. Потопувајте ги јајцата. За да ги заштитите рацете, носете хируршки ракавици.
Колоритна варијанта
Видео за постапката:
Ананаси
Бојадисајте ги сварените јајца во жолта боја или обојте ги со темперна боја и оставете ги да се оладат и исушат. Во меѓувреме, исечете листови од ананас од зелена хартија. Препорачливо е листовите да бидат со различна големина (погледнете на фотографијата).
Подвиткајте ги сосем малку „листовите“ во долниот дел, само за да можете да ги залепите на врвот од јајцето. Започнете од најголемите, а потоа лесно ќе можете да ги надополните помалите листови. За кратко време имате уникатни јајца со кои ќе ги радувате најблиските.
Цветно волшепство
Пилиња
На бојадисаните јајца во жолта боја залепете им очи и клунови од самолеплива хартија и дел од пердув за да добиете неодоливи пилиња.
Корнети со сладолед
Лубеници
Вапсајте ги јајцата во црвена или розова боја. Откако ќе се изладат, едната половина обојте им ја со зелена боја. Со црн маркер нацртајте „семки“.
Забавни држачи од пластелин
Галаксија
Емотикони
Точкички
За умешно да ги направите точките со еднаква големина, најлесно е да употребите молив со гума. Натопете ја гумата во бојата и нежно нанесувајте точки на јајцето.
Со венец
Време е за забава
Зборови, зборови
