Посетата на Дизниленд е забавна авантура, но за Џамин и Валери е доживување на коешто ќе се сеќаваат засекогаш.
Во видеото кое стана интернет хит, додека двајцата се движат низ забавниот парк, пред нив започнуваат да танцуваат две девојки на песната „Marry You“ од Бруно Марс. Набрзо ним им се придружуваат уште неколку танчери и групното танцување станува атракција. Изненадувањето започнува кога во разиграната група неочекувано се вклучува Џамин, а видеото продолжува со предлог за брак.
Погледнете ја реакцијата на среќната девојка која низ солзи кажа „Да“ пред љубопитните посетители.
Се вели дека Дизниленд е најсреќното место на светот, а тоа без сомневање е точно за Џамин Лав и неговата свршеница Валери. Двајцата се танчери, што го прави овој предлог за брак уште посоодветен и посладок.