7 вежби кои ги олеснуваат симптомите на ПМС
Почетна » Диети и фитнес » Фитнес » 7 вежби кои ги олеснуваат симптомите на ПМС

7 вежби кои ги олеснуваат симптомите на ПМС

Ах, колку е непријатен „оној“ период од месецот. Сите ви одат на нерви, се чувствувате како надуен балон и/или не можете да се одделите од фрижидерот.

Во една таква ситуација, наместо нервозно да чекате да поминат деновите на ПМС (предменструален синдром), станете и направете ги вежбите опишани подолу. Тие ќе ви помогнат да се релаксирате, да си ја подобрите циркулацијата и да ги оттргнете мислите од храната или болката во стомакот.

Вежба против ПМСЛегнете на грб. Свиткајте ги нозете и донесете ги колената колку што е можно поблиску до градите. Со рацете притискајте ги нозете кон градите, така што дланките да ви бидат споени (како на сликата). Многу бавно вдишете и издишете 15 пати. Вежба против ПМСЛегнете на стомак, свиткајте ги нозете и стапалата насочете ги кон задникот. Со левата рака фатете ја левата нога, а со десната рака – десната нога. Потоа, додека вдишувате подигнете ги бутовите и горниот дел од телото (како на сликата). Бидете внимателни, не е неопходно да ги подигате многу високо. Останете во таа положба додека не издишете и вдишете 3 пати. Спуштете ги бутовите и градите на подот. Повторете ја оваа вежба уште еднаш. Вежба против ПМСЛегнете на грб. Свиткајте ги колената и започнете да ги спуштате кон подот, а во исто време спојте ги стапалата. Ставете ги дланките на рацете на бутовите и со нив потпомагајте го растегнувањето на нозете (како на сликата). Не ги растегнувајте нозете премногу! Во моментот кога ќе започнете да чувствувате болка сопрете го спуштањето на колената. Задржете се во таа положба една минута и постојано дишете бавно и длабоко. Повторете ја оваа вежба барем 2 пати. Вежба против ПМСЛегнете на грб. Дланките на рацете поставете ги на подот и додека со нив притискате надолу, подигајте ги нозете нагоре кон таванот. Потоа, ставете ги рацете на половината за да го задржите телото во таа позиција (како на сликата). Вдишете и издишете длабоко 7-8 пати, а потоа спуштете се. Вежба против ПМСЗастанете исправени, така што нозете да ви бидат поставени на иста ширина со рамената. Наведнете се нанапред и спуштете го горниот дел од телото кон подот. Дланката од десната рака поставете ја на левото лакто, а дланката од левата рака – на десното лакто (како на сликата). Многу бавно нишајте го горниот дел од телото налево-надесно. Правете го тоа 1 минута. Вежба против ПМСЛегнете на стомак и потпрете се на лактите, а дланките на рацете држете ги залепени за подот. Додека вдишувате, подигнете го горниот дел од телото и левата нога (како на сликата). Издишете додека ги спуштате повторно на подот. Повторете го истото, но овој пат подигнете ја десната нога. Направете 10 наизменични повторувања. Вежба против ПМСКлекнете на колена и потпрете се на рацете. Дланките на рацете треба да ви бидат под рамената, а колената под колковите. Започнете да го враќате задникот наназад кон стапалата, а градите приближувајте ги кон колената. Челото потпрете го на подот, а рацете повлечете ги наназад кон стапалата (како на сликата). Задржете се во оваа положба 1-2 минути.

Техника на дишење

Додека ги правите овие вежби, многу е важно да дишете длабоко и бавно. Вдишувајте и издишувајте низ носот. Устата треба да ви биде затворена. Додека издишувајте, вовлекувајте го стомакот навнатре.

Анкета

Анкета
Каде планирате да одите на одмор летово?
  • 41%
  • 14%
  • 25%
  • 19%
Се испраќа...

(Вкупно: 6476 гласа)

Цитат

Некои од најдобрите спомени се создадени во апостолки.

Кели Елмор

Виц

Крем со колкав фактор?

- Со 20.

Доволно ќе ви е?

- Ако згрешам, нека изгорам.