Диетата и фитнесот на Никол Шерцингер
“
Остани активна, јади сè умерено и престани да си толку строга кон себе.
Жешката Никол Шерцингер уште со самото појавување на музичката сцена заведе милиони обожаватели и до ден денес не престанува да ги освојува љубопитните погледи. 33-годишната пејачка поседува тело какво што би посакала секоја жена, а тврди дека го одржува со помош на умерени порции и многу физичка активност.
Привлечната пејачка не била отсекогаш приврзаник на здравата исхрана и кога била помлада испробувала многу диети. Но, денес поучена од искуството знае точно што е најдобро за нејзиното тело.
Диетата на Никол
За да го одржува своето тело во топ форма, Никол Шерцингер се храни со сè, но умерено и никогаш не ги прескокнува оброците. „Дури и со мојот луд распоред на обврски, никогаш не прескокнувам оброци“ – изјавила таа за списанието Shape.
Мени за еден ден
Појадок: меко варени јајца, чаден лосос и интегрален леб
Ручек: тенко исечени парчиња преработено месо и кашкавал кои се служат ладни, зеленчук и овошје
Вечера: пилешко или риба со ориз и зеленчуци.
Харизматичната пејачка не го лишува своето тело од ништо. Кога сака да се почести со нешто вкусно, таа се насочува кон храна типична за Хаваи, како сува туна со сос од соја, палачинки со банана со кокосов сируп и макадамија ореви прекриени со чоколадо.
Никол денес се храни балансирано и здраво, но тоа не било отсекогаш така. Атрактивната бринета признала дека кога била помлада држела безброј диети и постојано била опседната со тежината.
„Започнав да трчам и да бројам калории кога имав 14 години. Сум ја држела секоја диета која може да ви падне на ум. До времето кога започнав да работам со Pussycat Dolls постојано бев качена на вага. Но, таа ми стана непријател, затоа што забележував дека кога вежбам повеќе качувам тежина. Сега во моите 30-ти години слегов од вагата – сега се мерам само преку тоа како ми стои облеката“ – објаснила таа.
Фитнесот на Никол
Цврстото тело на Никол не се должи само на балансиран и умерен начин на исхрана, туку и на напорна физичка активност. За да го обликува секој дел од своето тело, згодната пејачка редовно практикува танцување, кардио вежби како трчање на лента и фитнес вежби со отпор за зацврстување на мускулите.
Танцувањето е одличен забавен начин за топење на килограмите и Никол редовно го користи. „Танцување. Кога се подготвувам за турнеја или снимање на спот, целосно се посветувам на работата и тие дополнителни 5 килограми веднаш се топат. Исто така, имам програма со вежби со отпор која прави чуда за моите раце и стомак“ – вели таа.
Никол вежба четири пати неделно и во секој нејзин тренинг се вклучени кардо вежби и вежби со отпор.
Вежбите на Никол за цврсти раце и стомак
Тренерот на Никол, Адам Ернстер, има подготвено програма со вежби за обликување и зацврстување на стомачни мускули, рамена, раце и грб, кои се прават за 10 минути.
Легнете на подот и држејќи ги нозете исправени подигнете ги кон таванот. Рацете држете ги покрај телото (позиција А). Бавно спуштете ги нозете на подот за да ја довршите вежбата. Направете 10 повторувања.
Потоа, поставете ги дланките зад главата и свиткајте ги колената под агол од 90°. Придвижете ги колената кон градите (позиција Б), а потоа спуштете ги во почетната положба. Направете 10 повторувања.
Легнете на грб, поставете ги стапалата на подот и подигнете ги рацете нагоре над градите. Подигнете ги главата и рамената од подот (позиција C), а потоа спуштете ги. Направете 10 повторувања.
Музичката листа на Никол за трчање на лента
Трчањето на лента е омилената кардо активност на Никол. Додека ги топи непосакуваните калории трчајќи, таа се забавува со музика. Топ 5 песни на нејзината музичка листа за вежбање се:
- Run the World (Girls) – Бијонсе
- Rolling in the Deep – Адел
- Give Me Everything – Питбул
- Dirty Diana – Мајкл Џексон
- Everyday People – Slyand the Family Stone
“
Едно нешто што ме инспирира да се вратам на лената за трчање е мојата музика
Анкета
Цитат
Не знам кој ги измислил високите потпетици, но сите жени му должат многу.Мерилин Монро
Виц
Жената му се јавува на мажот:
– Каде си?
– Мила, се сеќаваш ли на онаа златара каде го виде прстенот кој многу ти се допадна?
– Аууу, да!
– Е, јас сум во кафеаната од другата страна на улицата.
Коментари (11)
Напишете коментар
Ако сè уште не сте регистрирани, кликнете овде.